Dum kunveno Nikita Hrruŝĉov ricevis papereton kun demando: kial vi ne kontraŭis la terurajn ordonojn de Stalin, kiam vi ricevis? Nikita trankvile voĉlegis la demandon, subite frapis sur la tablon kaj diris: “Mi postulas scii tuj, kiu skribis ĉi tion” ĉiuj membroj rigardis unu la alian timante … Nikita ridetis kaj diris: “Se vi timas min kaj silentas, imagu la timon, kiun ni sentis pri Stalin”. Ĉi tiu okazaĵo probable kaŭzis lin fari la tiel nomatan sekretan paroladon, kelkajn jarojn poste.
Stalin estis malbona, neniu ie dubas pri ĝi, la rakontoj pri liaj teruraj agoj nun estas parto de oficiala historio kaj estas agnoskitaj eĉ de tiuj, kiuj povas pravigi ilin simple per la fakto, ke se li ne farus tion, kion li faris, Hitler havus finis venki en la dua mondmilito, sed indas demandi: ĉu Stalin estis pli malbona ol Hitler? Kion oni dirus en la mondaj lernejoj, se naziismo venkus la militon? Memoru, ke historio estas verkita de la venkintoj.
Kiel ni mezuros malbonecon?
Politikistoj, kvankam ili kelkfoje kondutas kiel seriaj murdistoj, neniam mortigas iun ajn per siaj nudaj manoj, sed faras ĝin per siaj politikoj.
- Ni mezuros malbonecon kiel mortnombron asociitan kun via politiko.
- Ni nur kalkulos civilajn mortojn.
- Ni kalkulos la mortintojn nur el fidindaj fontoj.
- Se estas gamo, ni prenos la mezumon.
Kio estas la valoro por Hitler?
Por eviti eblan diskutadon, ni pensu pri unu el la oficialaj ciferoj, 6 milionoj, kvankam mi pensas, ke ĝi povus esti pli. Ni ignoru la fakton, ke se Hitler estus reginta pli longe, li certe mortigus pli da homoj. Stalin havis ĝis 1953.
| Senkulakigo | 530.000 | 600.000 |
| Granda purigo | 777.975 | 1.200.000 |
| Gulagoj | 1.500.000 | 1.713.000 |
| Ekziloj | 450.000 | 566.000 |
| Masakro de Katin | 22.000 | 22.000 |
| Holodomoro | 2.500.000 | 4.000.000 |
| Kazaka Malsatego 1932-1933 | 1.450.000 | 1.450.000 |
| Sumo | 7.229.975 | 9.551.000 |
Stalin diris: “La morto de unu viro estas tragedio, la morto de milionoj estas statistiko.”
Nu, kun tiu frazo kaj ĉi tiuj statistikoj ni diros jes: Stalin estis pli malbona ol Hitler.
Komentoj bonvenaj.
>> Stalin diris: “La morto de unu viro estas tragedio, la morto de milionoj estas statistiko.” <<
Jes, tio estas bedaŭrinda fakto. Por ne trakti la viktimojn kiel nurajn statistikaĵojn, necesas doni nomon kaj vizaĝon al la individuoj. Alimaniere vere malfacilas senti, kion milionoj da murditoj signifas.
Tial mi ŝatas la "stumbligajn ŝtonetojn". Kiam mi trairas la stratojn de Kolonjo, mi kvazaŭ ĉie "stumblas" antaŭ domo, kie loĝis homo persekutita kaj deportita en koncentrejon, kaj mi legas la nomon, la naskiĝjaron kaj indikon pri la sorto de tiu homo je tiu ŝtoneto. Vere efika memorigo pri kiu okazis. Miaopinie eĉ pli tuŝa ol la aliaj monumentoj en la urbo. (Pri la monumentoj kaj memorigaj ŝtonetoj en Kolonjo, vidu la dosieron de prezento ĉe EventaServo, https://eventaservo.org/e/memorlokoj).
La kvazaŭ industria maniero, en kiu la homoj estis murditaj, igas la persekuton senkomparan krimon tute sendepende de la nombro de viktimoj. La krimo estus same unika, se la nombro estus 6000 aŭ 60 milionoj.